مہنگائی کے ستائے عوام بجلی بلوں کی ادائیگی سے قاصر
مہنگائی اور بجلی کی قیمتوں میں اضافے کی چکی میں پسے عوام بجلی بلوں کی ادائیگی سے قاصر ہو گئے،لیسکو بلوں کی وصولی میں ریکارڈ کمی ہو گئی۔
ذرائع کے مطابق لاہور الیکٹرک سپلائی کمپنی (لیسکو) کے صنعتی، کمرشل اور ٹیوب ویلز کے صارفین سے بلوں کی ریکوری میں نمایاں کمی سامنے آئی ہے، دستاویزات کے مطابق تمام صارفین سے بلوں کی وصولی کی مقررہ تاریخ پندرہ سے سترہ مارچ رکھی گئی تھی، تاہم مقررہ تاریخ تک بلوں کی ادائیگی نہ ہونے پر ریکوری کی شرح کم ریکارڈ کی گئی ہے۔
دستاویزات کے مطابق لیسکو کے بیج نمبر چوالیس، پینتالیس اور چھیالیس کے صارفین سے ریکوری نہیں ہو سکی، جس کی وجہ سے ٹیوب ویلز کے صارفین سے بجلی کی بلوں کی وصولی کی شرح اکاون فیصد ریکارڈ کی گئی۔
اسی طرح چھوٹی انڈسٹری کے صارفین سے بلوں کی وصولی کی شرح 62 فیصد جبکہ کمرشل صارفین کی جانب سے بلوں کی عدم ادائیگی سے ریکوری 81 فیصد ریکارڈ کی گئی۔
شہریوں کا کہنا ہے کہ مہنگائی نے دو وقت کی روٹی کھانا بھی مشکل بنا دیا، رہی سہی کسر بجلی کی قیمتوں میں اضافے سے نکل جاتی ہے، مہنگائی کے اس دور میں بچوں کا پیٹ پالیں یا بجلی بل بھریں۔
No comments:
Post a Comment