بغیر ہیلمٹ موٹرسائیکل سواروں کیخلاف کریک ڈاؤن، ہزاروں چالان

 بغیر ہیلمٹ موٹرسائیکل سواروں کےخلاف کریک ڈاؤن جاری ہے،سی ٹی او شہر لاہور کو ایکسیڈنٹ فری سٹی بنانے کیلئے پرعزم ہیں۔

سی ٹی او کیپٹن(ر) مستنصر فیروز کا کہنا ہے کہ موٹرسائیکل چلانی ہے تو ہیلمٹ پہننا لازمی ہوگا، ہیلمٹ قوانین پر سختی کروانے سے ہیڈ انجری کیسز کی شرح میں واضح کمی آئی ہے، مال روڈ پر 95 فیصد شہریوں نے ہیلمٹ کی پاسداری کرنا شروع کردی ہے۔

سی ٹی او لاہور نے بتایا کہ رواں سال بغیر ہیلمٹ 4 لاکھ 47 ہزار سے زائد موٹرسائیکل سواروں  کو چالان ٹکٹس جاری کئے گئے، سال 2022 میں ہیڈ انجری کے باعث 222 شہری لقمہ اجل بنے، ہیلمٹ قوانین پر سختی کروانے سے قیمتی جانوں کو محفوظ بنایا جاسکتا ہے۔

  کیپٹن(ر) مستنصر فیروز کا مزید کہنا ہے کہ کینال روڈ، مال روڈ، جیل روڈ، مین بلیوارڈ روڈ سمیت اہم روڈز پر لین لائن کی سختی سے پابندی کروائی جارہی ہے، ہیلمٹ ہاتھ میں پکڑنے، ٹینکی پر رکھنے پر بھی چالان کئے جارہے ہیں، منظم ٹریفک کے حصول کیلئے قوانین کی پاسداری کروانے میں سختی کی جائے گی۔