اسلام آباد ہائیکورٹ، علی امین گنڈا کیخلاف درج مقدمات کی تفصیلات طلب، آئندہ سماعت تک تادیبی کارروائی سے روک دیا
نجی ٹی وی چینل ایکسپریس نیوز کے مطابق اسلام آبادہائیکورٹ نے علی امین گنڈاپور کیخلاف کیس کا دو صفحات پر مشتمل تحریری حکمنامہ جاری کردیا،عدالت پی ٹی آئی رہنما علی امین گنڈاپور کیخلاف درج مقدمات کی تفصیلات طلب کرلیں اور آئندہ سماعت تک علی امین گنڈاپور کے خلاف تادیبی کارروائی سے روک دیا۔
عدالت نے مقدمات کے اندراج کی صورت میں ایف آئی آر کی نقول رپورٹ کے ساتھ منسلک کرنے کاحکم دیدیا، عدالت نے علی امین گنڈاپور کیخلاف انکوائریزکی تفصیلات طلب کرتے ہوئے31 مارچ تک تفصیلات جمع کرانے کاحکم دیدیااورفریقین سے جواب طلب کرلیا ۔
اسلام آباد ہائیکورٹ نے درخواست پر رجسٹرار آفس کے اعتراضات بھی دور کردیئے ،حکمنامے میں کہاگیاہے کہ وکیل درخواست گزار کے مطابق علی امین گنڈاپور کو متعدد جعلی مقدمات میں نامزد کیاگیا ،وکیل درخواست گزار کے مطابق ایف آئی آر کی تفصیلات فراہم نہیں کی جا رہی ۔
اسلام آباد ہائیکورٹ کے جسٹس ارباب محمد طاہر نے حکمنامہ تحریر کیا،عدالت نے کیس کی مزید سماعت31 مارچ تک ملتوی کردی۔
No comments:
Post a Comment