توشہ خانہ کیس: ناقابل ضمانت وارنٹ کے باوجود عمران خان عدالت میں پیش نہ ہوئے

چیئرمین پاکستان تحریک انصاف (پی ٹی آئی) عمران خان توشہ خانہ کیس میں اسلام آباد کی سیشن عدالت میں پیش نہ ہوئے۔

عمران خان کے جونیئر وکیل سردار  مصروف خان عدالت کے روبرو پیش ہوئے، ن لیگ کے رہنما محسن شاہنواز  رانجھا اور الیکشن کمیشن کے وکیل سعد حسن بھی عدالت میں پیش ہوئے۔

 ایڈیشنل سیشن جج ظفر اقبال نے استفسار کیا کہ عمران خان آج بھی نہیں پیش ہو رہے کیا؟ ضامن پابند ہیں کہ عمران خان عدالت پیش ہوں۔

عمران خان کے جونیئر وکیل سردار مصروف خان نے بتایا کہ عمران خان کی پیشی کا علم نہیں، سینئر لیگل ٹیم 10 بجے عدالت پیش ہوگی، عدالت نے سماعت میں 10 بجے تک وقفہ کردیا۔

وقفے کے بعد  عمران خان کے وکیل شیر افضل مروت عدالت میں پیش ہوئے اور کہا کہ  وکالت نامہ ایک دو دن تک دے دیتا ہوں، عمران خان کی لیگل ٹیم اسلام آباد ہائی کورٹ میں موجود ہے، اگلے ہفتےکوئی تاریخ دےدیں۔

جج نے ریمارکس دیےکہ عمران خان کی طلبی کے لیے سماعت چل رہی ہے۔

وکیل شیر افضل مروت کا کہنا تھا کہ عمران خان کی صحت خراب ہے، معذوری کی حالت ہے، دنیا میں عمران خان سے متعلق تماشہ چل رہا ہے۔

وکیل الیکشن کمیشن کا کہنا تھا کہ ضامن کو عدالت نوٹس کرے اور شورٹی کوکینسل کیاجائے، کیس کی سماعت 9 مارچ تک ملتوی کردی جائے۔

9 مارچ کو عمران خان نے ہائیکورٹ میں پیش ہونا ہے، محسن شاہنواز رانجھا

عمران خان یقینی طور پر 9 مارچ کو اسلام آباد ہائیکورٹ میں پیش ہوںگے، محسن شاہنواز رانجھا

مجھے بتایاگیاہےکہ عمران خان کے لیے اگلے ہفتے کچہری پیش ہونا آسان ہوگا، وکیل عمران خان

یعنی دوسرے لفظوں میں عمران خان نے 9 مارچ کو بھی سیشن عدالت پیش نہیں ہونا،جج کے ریمارکس

آپ کا وکالت نامہ پہلے آنا چاہیے، بات بعد میں ہونی چاہیے، جج کا اعتراض

عمران خان کے وکیل نہیں آئے، کیا کریں اس کا؟ جج کے ریمارکس

میں نے انتظار بھی اس لیے کیاکہ شائد اسلام آباد ہائیکورٹ کا کوئی فیصلہ آجائےگا، جج

اگر صورتحال یہی رہنا ہے تو کوئی فیصلہ کر دیتےہیں، جج کے ریمارکس

عمران خان خود بھی ابھی تک زاتی طور پر پیش نہیں ہوئے، جج کے ریمارکس

جج کی عمران خان کے وکیل شیرافضل مروت کو وکالت نامہ جمع کروانے کی ہدایت

11 بجے عمران خان کی جانب سے وکالت نامہ دےدیتاہوں، وکیل شیرافضل مروت

ظاہر ہورہاہے کہ عمران خان آج بھی سیشن عدالت میں پیش نہیں ہوں گے، جج

میں نے عمران خان کے خلاف ریفرنس دائر کیا، چھ ماہ سے معاملہ چل رہاہے،محسن شاہنوازرانجھا

عمران خان کے کیس میں قانون سب کے لیے برابر ہوگا، جج کے ریمارکس

قانون کے مکمل تقاضوں کو پورا کرکے توشہ خانہ کیس کو چلایاجائےگا، جج کے ریمارکس

عمران خان کے وکیل کی جانب سے دو بجے تک سماعت میں وقفہ کرنے کی استدعا

الیکشن کمیشن کے وکیل نے 9 مارچ تک سماعت ملتوی کرنے کی استدعا کی

عمران خان کی حاضری بھی اب تک نہیں ہوئی، وکیل الیکشن کمیشن

عمران خان کے وارنٹ جاری ہوئے، تب سے باہر تماشہ بناہواہے، وکیل شیرافضل مروت

کوئی کیس بتا دیں جو لمبے عرصے سے اس عدالت میں چلا ہو، جج کے ریمارکس

عمران خان دیگر عدالتوں میں آئے لیکن سیشن عدالت نہیں آئے، جج کے ریمارکس

عمران خان کی ہر بار حاضری سے استثنا کی درخواست منظورکی گئی ہے،جج

ایڈیشنل سیشن جج ظفر اقبال نے دو بجے تک سماعت میں وقفہ کردیا

خیال رہے کہ 28 فروری کو عدالت نے عدم  پیشی پر عمران خان کے  وارنٹ گرفتاری جاری کیے  تھے،  عدالت  نے اسلام آباد  پولیس کو  احکامات  جاری کیے تھے کہ عمران  خان کو گرفتار  کرکے 7 مارچ (آج)  کو  عدالت میں  پیشی  یقینی بنائی جائے۔

گزشتہ  روز  عدالت نے عمران خان کے توشہ خانہ کیس میں جاری ناقابل ضمانت وارنٹ گرفتاری کی منسوخی کی درخواست کو  مستردکر دیا تھا۔

ناقابل ضمانت وارنٹ گرفتاری جاری ہونے کے باوجود اسلام آباد پولیس تاحال عمران خان کو گرفتار کرنے میں ناکام ہے۔

یاد رہے کہ توشہ خانہ کیس میں ایڈیشنل سیشن جج نے فردجرم عائدکرنےکے لیے عمران خان کو 8 جنوری سے طلب کر رکھا ہے لیکن ہر پیشی پر عمران خان کی جانب سے طبی یا سکیورٹی وجوہات کے باعث حاضری سے استثنیٰ کی درخواستیں دائر ہوتی رہیں۔

عدالت نے گزشتہ روز  وارنٹ منسوخی کی درخواست مسترد کرنے کے تفصیلی فیصلے میں قرار دیا تھا کہ  عمران خان جان بوجھ کر سیشن عدالت پیش نہیں ہوئے۔ 

دوسری جانب پی ٹی آئی ذرائع کے مطابق عمران خان آج بھی سیشن عدالت کے سامنے ذاتی حیثیت پر پیش نہیں ہوں گے۔